Maratonløparane hadde kvalifisert seg til VM med kjemperesultat i IronMan 70.3 Haugesund i juli. I Østerrike var det godt og varmt, opptil 35 grader midt på dagen. I den trykkande varmen fekk utøvarane store utfordringar med å få i seg nok væske, ca. 10 liter i løpet av konkurransen!

Ingen kunne få til spesielt gode tider med slike utfordringar og ein kunne lett fått seg ein skikkeleg smell etter nokre timar. Det var fleire av utøvarane som måtte gå tidleg i løpedelen, og det blei brukt over tre timar av enkelte på 21km - heilt spesielt med tanke på at alle er kvalifiserte og «jamngode» i sine aldersklassar. 　

På symjedelen fekk Nils Haktor Bua gode 34.27, medan Janne Elin fortel at alle konkurrentane i hennar klasse 18-24 år forsvann etter første symjetak. Ho var meir nøgd med sykkeletappen.

- Den etappen var heilt nydeleg, men hard, seier ei som tok konkurransen i Østerrike som ei grei oppladning til Maraton-NM i Trondheim kommande helg.

- Utmerket!!

Dette sa trenar Einar Søndeland om 30. plassen i meisterskapet. Ho hadde totaltida 5.48.28.
- Janne Elin er «i dytten», tenk å få 30. plass i eit VM man ikkje er spesielt godt trent for, seier han.

Det var 47 som fullførte i hennar klasse, åtte kom ikkje til mål. Av totalt 883 damer (inkl. profesjonelle) blei ho nr. 385.

Med totaltida 5.08.41 blei Nils Haktor nr. 48 av 71 som fullførte i sin klasse, 19 kom ikkje til mål. Av totalt 1854 herrer (inkl. profesjonelle) blei han nr. 848.

Ikkje uventa sprang begge seg kraftig oppover resultatlistene på den avsluttande halvmaratonen.

Framtida framfor seg

Fleire friidrettstrenarar meinar at å driva med sykling blir ganske så feil hvis man har planar om å få til noko som maratonløpar. Søndeland er ikkje bekymra for dette.

- Janne Elin har vinterstid brukt innendørsaktivitetar som svømming og handball som alternativ i treningen, samt sykkel som alternativ i sin utholdenhetstrening sommarstid i fleire år. Det har heldt til 2. plass i Oslo Maraton (2.54.37), NM sølv på maraton kvinner senior 2014 i Tromsø, to NM gull U23 på halvmaraton samt eit sterkt løp under ikkje spesielt tiltalande løpsforhold i Stockholm 30. mai i år, fortel trenaren - og legg til at den alternative treningen ho prøver ut kanskje nettopp er grunnen til at Janne Elin held seg skadefri og har framtida framfor seg.

Foreldra til Janne Elin var med til Østerrike, som «heiagjeng» og for å få logistikken til å gå opp. Mykje bagasje med m.a. to syklar på fire ulike fly og utøvarar som reiste direkte frå/til andre stader enn der utstyret skulle, kravde sitt.