I dag, 18. juni gjekk gamle bygdabladet.no over i historia. Nå blir det enklare, både for lesarane og me som driv med informasjonsformidling, å finna alt på same plass.
I ein overgangsfase har artiklar blitt publiserte via bokn.kommune.no, men frå i dag vil Bokn Bygdablad legga ut eigne ting under den faste logoen. Det aller meste blir også lagt ut på kommunens facebookside. Bokn Bygdablad har ikkje planar om å få eiga facebookside.
Enkelte ting krev ein del tid å få på plass, som f.eks. alle bildealbumane og nyhenda frå den gamle nettsida. Dette vil bli samla i knappar som vil heita ELDRE NYTT og BILDE. Sistnemnde knapp vil dukka opp i slutten av denne månaden, med m.a. bildealbum frå årets 17. mai. Den faste ordførarspalta, Ordføraren har ordet (OHO) vil også dukka opp i form av ein knapp før ferien.
Pdf-abonnentar som skal inn på pdf-arkivet vil inntil vidare bli sende til innlogginga på gamle bygdabladet.no. Dette skjer når du klikkar på PDF-knappen. Me jobbar med ei ny ordning her.