Kva konsekvensar har dette for deg?
Den nye løysinga betyr at alle fakturaene nå blir forsøkt sendt digitalt, som eFaktura, som Vippsfaktura, via digital postkasse (Digipost eller eBoks) eller som vedlegg i e-post. Dersom dette ikkje er mogleg vil fakturaen bli levert som papirfaktura i postkassen din.
Efaktura/Avtalegiro
Efaktura/avtalegiro må du avtala med banken din. Om du har avtalegiro eller efaktura-avtale, vil du fortsatt motta faktura som avtalegiro eller efaktura.
Faktura via Vipps
Me vil nå kunne tilby levering av faktura som Vippsfaktura. Dette forutset at du brukar Vipps, og at du har aktivert tenesta Vipps-faktura i Vipps-appen.
Faktura i Digipost/eBoks
Dersom du er van med å få faktura i postkassen din, vil du nå kunna motta faktura som post i Digipost- eller eBokspostkassen din.
Dette forutset sjølvsagt at du har ein digital postkasse (Digipost eller eBoks) og at du ikkje har reservert deg mot mottak av digital post frå det offentlege.
Faktura som vedlegg i e-post
Faktura kan leverast som vedlegg i e-post frå Bokn kommune. Dette forutset at det er registrert ei gyldig epostadresse i Bokn kommune sitt kunderegister.
Faktura per post
Er det ikkje mogleg å senda faktura digitalt, blir faktura sendt som brevpost.
Brevgiro – NB! Dei nye fakturaene kan ikkje nyttast for betaling via brevgiro
Betalar du via brevgiro, må du bruka ein tom bankgiroblankett, fylla ut nødvendig informasjon som du finn på den tilsende fakturaen og deretter bruka den ferdig utfylte bankgiroblanketten til betaling via brevgiro. Slike tomme bankgiroblankettar kan du få hos din lokale bank eller på kommunehuset.
Informasjon som må fyllast ut på den tomme fakturablanketten er:
- Beløp
- Betalar sitt bankkontonummer
- Betalt av
- Betalt til
- Kundeidentifikasjon (KID)
- Kroner og øre
- Til konto
Her kan du sjå video som forklarer digital faktura for deg: