Bokn kommune får si dagsturhytte ut på nyåret i 2022. Dagsturhytta blir etablert og finansiert i eit samarbeid med Sparebankstiftelsen SR-bank, Rogaland Fylkeskommune og spelemiddel frå Norsk tipping. Føremålet med dagsturhytter i kommunane er eit folkehelsetiltak for å få fleire innbyggarar ut på tur og oftare ut på tur. Dette vil vere ein plass du kan gå til og ete nista di, lese i bøkene som er plasserte der, eller berre slappe av.
Kongshamn
Kommunestyret vedtok at hytta skal etablerast ved Konghamn, nordaust for turstien på eit platå med utsikt over Kongshamn, Tysvær og Bokn aust.
Det vil om kort tid bli sett opp skilt som viser vegen til hytta frå parkeringa ved kyrkja. Hytta vil og få eit namneskilt – men då treng ho eit namn! Send inn namneforslaget ditt her:
Namneforslagsskjema
Frist for innsending er torsdag 16. desember kl. 10.
Premie
Arbeidsgruppa for dagsturhytta i kommunen (som består av representantar frå frivillige lag og organisasjonar, politikarar og administrasjonen i kommunen) vil så avgi sine stemmer på alle forslaga som er komne inn. Innsendaren av forslaget som vinn namnekonkurransen blir premiert med eit gåverkort på Sjøbris kafe.
Vinnaren blir offentleggjort 22. desember.