Det blei overrekt førjulsgåver til Bokn idrettslag og Bokn sanitetsforening den 1. desember då Sparebank 1 delte ut pengegåver i bankens lokaler i Haugesund.
Representantar frå lag- og organisasjonar i Bokn og Tysvær mottok gåvemidlar frå Sparebank 1, SR-Bank.
Bak frå venstre: Oddvin Øvernes (Friluftsrådet Vest), Asbjørn Bakken (Falkeid IL), Jan Helge Hansen (Lundal Vel) og Gerd Jorunn Christensen (Tysvær Frivilligsentral).
Foran frå venstre: Linn Sandslett (Tysvær jeger- og fiskeforening), Tove Rullestad (Tysvær kommune), Anette Våga (Bokn Sanitetsforening) og Didrik Alvestad (Bokn IL).
Publisert av Jardar Havikbotn
Publisert 22.12.2016 11.33
Av Kyrre Lindanger
Saman med mange andre lag- og organisasjonar på Haugalandet, hadde dei to Bokn-organisasjonane søkt om midler hjå Sparebankstiftinga. Sistnemnde delar ut ein del av gåvemidlene gjennom Kunderådet (Tidlegare Bankrådet) i SpareBank 1, SR-Bank to gonger i året.
Inspirasjon
Stiftinga vel ut aktuelle prosjekt blant frivillege lag- og organisasjonar som har sendt inn søknader, og ein ser etter tydelege prosjekt som kjem mange til gode og som bidreg til å utvikla lokalsamfunna og regionen. Tanken er at gåvetildelingane skal bidra til lokalt engasjement og utløyse eigeninnsats i dei ulike prosjekta. Gåvene skal inspirera lag- og organisasjonar til å dra i gang nye og gode initiativ som vil gje effekt på ei større gruppe i lokalsamfunnet.
Friluftsliv
Bokn idrettslag fekk tildelt 11.500 kroner til oppgradering av sti og uteområde ved Klepp kystfort i Loden, mens Bokn Sanitetsforening mottok 105.500 kroner til bygging av gapahuk ved Alvestad nærmiljøanlegg. I Rogaland blei det tilsaman tildelt 17 millioner kroner til 138 lag og organisasjonar.
Sparebankstiftinga delar også ut ein ildsjelpris, og årets pris blei på same arrangementet tildelt Asbjørn Bakken. Mange boknarar kjenner Bakken som primus motor i Falkeid idrettslag, og som sentral organisator i samband med det årlege sykkelrittet Bokn Opp.
Lag- og organisasjonar i Bokn kan søkje om midlar. Søknadsskjema finn ein på srstiftelsen.no.