Influensavaksinen har komme
Influensavaksinen har komme, og du kan få han som drop-in på Bokn legekontor kl. 12:30 - 14:30 tysdagar, onsdagar, torsdagar og fredagar.
pixabay.com
Pris er 200 kr. Du kan og få han i samband med vanleg legetime. Alle bør sitte 20 minutt til observasjon etter vaksinering. Vi ber alle som kan bruke desse drop-in tidene så langt det går for å unngå stor pågang på telefonen. Dersom det absolutt ikkje passar, ta kontakt for anna tid.
Kven bør vaksinere seg?
Nær 1,6 million menneske i Noreg har auka risiko for alvorleg influensasjukdom. Personar i følgjande risikogrupper bør ta influensavaksine årleg:
- Bebuarar i omsorgsbustader og sjukeheimar
- Alle frå fylte 65 år
- Gravide etter 12. svangerskapsveke (2. og 3. trimester). Gravide i 1. trimester med annan tilleggsrisiko skal òg få tilbod om influensavaksine
- Prematurt fødde barn, særleg barn fødd før veke 32 i svangerskapet, frå 6 månader (kronologisk alder) til 5 år.
- Barn og vaksne med:
- kronisk lungesjukdom (inkludert astma)
- hjarte- og karsjukdom (anna enn velregulert høgt blodtrykk)
- diabetes type 1 og 2
- leversvikt eller nyresvikt
- kronisk nevrologisk sjukdom eller skade, spesielt personar med nedsett lungekapasitet og/eller hostekraft
- nedsett immunforsvar som følgje av sjukdom eller behandling av sjukdom (t.d. organtransplanterte, kreft, hiv, reumatoid artritt og andre sjukdommar)
- svært alvorleg fedme (KMI over 40)
- annan alvorleg og/eller kronisk sjukdom der influensa utgjer ein alvorleg helserisiko, etter individuell vurdering av lege (t.d. personar med medfødde kromosomavvik, genetiske syndrom og samansette kromosomavvik som ikkje er klassifisert andre stader) - I tillegg er influensavaksine tilrådd:
Helsepersonell og andre tilsette i helse- og omsorgstenesta som har nær kontakt med pasientar ved behandling eller pleie
- Personar som bur saman med (eller er tilsvarande nære) immunsupprimerte
Svinerøktarar og andre som har regelmessig kontakt med levande griser
- Saneringspersonale og andre som jobbar med mistenkt eller stadfesta influensasjuk tamfugl.
Publisert av Jardar Havikbotn
Publisert 09.10.2024 09.33