Av Simmen Karoliussen
Ein tredjedel av elevane på Bokn skule fekk plass på gratistilbodet Kjekt i sommar, Sommarskulen 2021. I vekene 26, 27, 28 og 31 har det vore forskjellige aktivitetar på Bokn og i Tysvær.
Elevane har fått bryne seg på orientering, hest og stell, symjing, padling og leik i vatn, snekring - og nokre var også på gardsbesøk i Våga. Nokre av dei aller eldste fekk også tatt båtførarprøven, kor alle bestod.
I etterkant har eg høyrt at det er fleire av elevane som både vil bli snekkar og ha eigen hest. Hesten vil dei helst ha gåande i hagen.
Det har vore ein nydeleg sommar med mange aktivitetar. Takk til alle som har bidratt! Om det blir sommarskule igjen til neste år er enno ikkje avgjort, så eg seier takk for nå, og takk for lånet av utruleg kjekke elevar!
Sjå fleire bilde frå Kjekt i sommar, Sommarskulen 2021: