Alt ligg til rette for at opninga av den nye storstova i Bokn blir ei stor og minnerik oppleving. Opningskomiteen har sydd saman eit program av lokale krefter, der idrett og kultur går hand i hand.
17. mai nr. 2
Dørene vil opna kl. 11:30 og stenga igjen kl. 02:00. Heile dagen vil veksla mellom sceneinnslag og oppvisningar og aktivitetar. Dette blir 17. mai nr. 2 i år, forskjellen blir at alt foregår inne og ingen aktivitetar og sceneinnslag vil gå føre seg på same tid, slik at alle kan få med seg alt viss dei vil.
Folk kan gjera seg kjende med bygget, og det vil bli ulike stands i møterommet og i det nye allrommet. Det blir matsal heile dagen. Gratis opningskake blir det også. Revygruppa vil presentera bygdarevyen 2016 - sannsynlegvis kl. 18:30 og The Kvednabekkjers spelar opp til dans (18 år) kl. 22:00. Det vil bli sal av øl og vin.
Forhåndssal av billettar til revy og dans startar neste veke.
Bygdabladet vil gå ut med endeleg program med klokkeslett når dette blir heilt klart.