Gjennom Bokn Bygdablad, som blei laga i kommuneadministrasjonen, blei boknarane vande med at private og lag og organisasjonar hadde fri spalteplass til disposisjon. Då bygdabladet blei lagt ned for seks år sidan, starta ein overgangsperiode der folk gradvis fann seg andre informasjonskanalar. Samstundes fortsette kommunen å presentera lokalt stoff frå lag og org.
Fleire informasjonskanalar
Frivillige lag og organisasjonar har i stor grad etter kvart oppretta sine eigne facebooksider, samstundes er det og oppretta ei fellesside i Bokn med tittelen Oppslagstavle Bokn kor mange publiserer ut informasjon til innbyggarane.
Bokn kommune ser med bakgrunn i dette at organisasjonar og lag nå er rusta til å ta over publisering av eigne saker på desse kommunikasjonskanalane til publisering ut mot innbyggarane, og kommunen kan i auka grad ha fokus på informasjon frå kommunen ut på dei kommunale kommunikasjonskanalane (heimeside, facebookside og infoskjermane på biblioteket, Bokn Arena og Coop Prix Bokn). Dette vil skapa eit ryddig uttrykk som me trur vil gagna innbyggarane i Bokn.