21-åringen er student i Sogndal, der han tar ein bachelor i ungdomssosiologi og jus - og er ferdig til sommaren. Han skreiv læringseksempelet då han gjennom Høgskulen på Vestlandet (Sogndal) var utplassert i sju veker på Distriktssenteret.
Kommune/organisasjonar/næringsliv
I ingressen slår Jørgen Nilssen fast at Bokn kommune viser korleis tilrettelegging for samarbeid kan bidra til at prosjekt blir realiserte, og turstiar belyste.
Den utflytta boknaren synest det er veldig gøy at eksempelet hans allereie har blitt brukt til å visa andre kommunar korleis dei kan samskapa med organisasjonar, næringslivet og lokale eldsjeler.
Jørgen Nilssen hadde god innsikt i prosjektet "Lys på Turstien".
- Ja, eg var med som ungdomsrepresentant, samtidig som eg var leiar i Bokn IL på den tida, fortel han.
Les artikkelen hans her:
"Lys på turstien" - samskaping på tvers av kommune, organisasjonar og næringsliv
Attraktiv stad
Jørgen Nilssen meiner at Bokn er ein attraktiv stad å kunna bu på, ettersom det er eit breitt arbeidsmarked i Tysvær, Karmøy og Haugesund.
- Eg trur at Bokn treng eit arbeidsfellesskap med gode teknologiske løysingar. Då kan fleire arbeida på Bokn, men i bedrifter som ligg på andre stader, seier ein som ikkje har planar om å flytta heim.
- Naturen i Sogndal gjer at eg førebels ønsker å bu her. Eg trivst svært godt med fjell og fjord.
Uansett har Jørgen Nilssen alltid Boknafjellet med seg. Han har nemleg tatovert fjellet på armen.