Ordførar Osmund Våga er klar til innsats 6. mai.
Jardar Havikbotn
Ordførar Osmund Våga gler seg over at alle dei politiske partia i Bokn vil vera med på hendinga 6. mai. Sjølv har han vore med på desse strandryddedagane tidlegare år.
Ikkje berre 6. mai
Bokn KFUK/KFUM Speidarar startar allereie nå på sundag, der dei vil ha familiespeiding i Steinsvikane og ha strandrydding. Tysdag skal speidarane ha strandrydding i Loten.
Valfaggruppene ved skulen; Friluftsliv og Innsats for andre skal ha opprydding i Skodahabn den 12. mai.
Innmelde område pr. 28.04
Bokn fiskarlag skal konsentrara seg om Sandvika. Skanska vil ta for seg strekninga Arsvågen - Sandvika, og Bokn sykkelklubb skal rydda i Stolvika, Røyrvika og Dalhavnen på vestsida mot Karmsundet.
I eventet ligg informasjon om omsynet til hekkande fugl. Meir informasjon om 6. mai kjem over helga.