Kommuneoverlegen har godkjent følgande:
Bokn kommune tilrår at ein unngår unødvendige reiser og kontakt med andre. For dei som ikkje er i karantene og som kjenner seg friske kan plukking av marint avfall vera ein meiningsfull ting å gjera på rolege dagar. Bokn kommune tilrår ikkje at dette skjer i grupper større enn 3-4 stk., som held fornuftig avstand, men nærme nok til å ta på kvarandre på sleipe berg og knausar.
Fleire vil rydda
Ivrige havforkjemparar har tatt kontakt og kunne tenkt seg å rydda nå når mange er heime i desse koronatider. Elisa Skeie og Runa Schmeichler er blant desse. Måndag denne veka var dei i Skodahabn og registrerte at det hadde kome inn mykje nytt avfall sidan i fjor.
Utstyrslageret på Boknatun er fullt opp av sekkar og hanskar i alle størrelsar. Dei som vil rydda eit område, fyller ut skjemaet under og blir kontakta for avtale om henting av utstyr, i tråd med dei retningslinjene som gjeld for dagens situasjon.